هو أمتى السن المناسب للزواج للست و للراجل ؟

هو أمتى السن المناسب للزواج للست و للراجل ؟

هو أمتى السن المناسب للزواج للست و للراجل ؟
السن المناسب للزواج ممكن نقول ان السن المناسب للزواج هو 20 سنة لا لما تخلص تعليم لا لما يشتغل لا لما احب الاجابة ان السن المناسب للزواج  ده بيعتمد علي عوامل كتير
الكاتب : Rawshna


السن المناسب للزواج

ممكن نقول ان السن المناسب للزواج هو 20 سنة لا 25 سنة لا لما تخلص تعليم لا لما يشتغل لا لما احب حد ................

الاجابة ان السن المناسب للزواج  ده بيعتمد علي عوامل كتير جدا غير العوامل البيولوجية اللي تأهل الست و الراجل للزواج اهمها العوامل النفسية مثلا لازم كل طرف يكون نؤهل نفسيا للزواج و فاهم يعني ايه زواج و جاهز انه يتشارك الحياة مع طرف ثاني مختلف عنه في اشياء كتير و يتقاسم معاه الحياة بكل ايجابياتها و سلبياتها نضيف كمان علي ده توافر الارتياح النفسي للشخص الموجود لاني لو مش متقبله مش هعرف اكون نفسيا جاهز ولابد من تبادل الارتياح النفسي ده طيب العامل النفسي اتحقق ايه بعد كده

عوامل تحديد السن المناسب للزواج


العامل المعرفي : 

لازم الطرفين يكونوا عارفين يعني ايه زواج و بيت و مسئولية و هنقسم المسئوليات بنا ازاي و ان في طرف ثاني انت مسئول عنه نفسيا و معنويا و صحيا و ماديا بالنسبة للرجل و انك مراته و حبيبته و امه و صديقته و بنته بالنسبة للست و انك بديل للاب و الصاحب و انت السند بالنسبة للرجل  لازم يبقي عندك القدرة علي التخلص من انا و التوجه الي نحن بقي في اسرة ليها حقوق علي بعض و هيبقي في طفل لازم نعرف نربيه لازم نبقي عارفين الصح و الغلط اللي هنربيه عليهم لازم نبقي عارفين ايه احتياجاته و هحققهاله ازاي لازم نكون قادرين نتعامل مع مشاكل حياتنا ازاي و هنحلها لوحدنا بدون التدخلات لان محدش معاكم في الحياة الجديد دي غير انتم الاتنين لازم نتعلم ازاي هنتنازل عن بعض الاشياء عشان الاستمرار  طيب العامل المعرفي لتحديد السن المناسب للزواج تمام طب ننتقل للي بعده


العامل الاجتماعي و الثقافي : 


لابد من التقارب في المستوي الاحتماعي و الثقافي بين الطرفين لان ده مهم جدا في تحديد السن المناسب للزواج لانه بياثر علي اسلوب الحياة و التفكير و طريقة التربية و ترتيب الاولوليات و كيفية اتخاذ القرارات و الاسباب اللي باخد القرار ده بناءا عليها و ده مش بين الشخصين بس لا ده بين الاسرتين لان الزواج فردين كل منهم له اسرة اصبحت لكل فرد اسرة جديدة ينتمي اليها  طيب اجتماعيا تمام طب في ايه تاني ؟؟

العامل المادي : 


ده عامل يخص الرجل اكتر لازم يكون عندك القدرة المادية اللي تساعدك علي بناء الحياة الجديدة بداية مقبولة وتحديد السن المناسب للزواج


العامل الصحي :


 لابد من التأكد من التاهيل الصحي لزواج و الانجاب و عند ظهور اي مشكله لابد من المصارحة و اتخاذ قرار مشترك لانه عامل مهم في تحديد السن المناسب للزواج

كل العوامل دي لازم تتحقق كلها عشان نقدر نحدد 
السن المناسب للزواج وعند التحقق من وجود كل هذه العوامل يصبح هذا هو السن المناسب للزواج
اذن لا يوجد سن مناسب للزواج ولكن يوجد عوامل لابد ان تتوافر من اجل الزواج لا تتزوجوا من اجل ارضاء المجتمع لان عند الفشل و الطلاق لا يرحمكم المجتمع ادرسوا و اتعلموا و اشتغلوا و اقرئوا و احضروا ندوات و ادرسوا يعني ايه زواج و مسئولية تقربوا من الله و اتقوه في اختياراتكم و في زوجاتكم و ازواجكم  اعرفوا حقوقكم و واجباتكم و بلاش الخلط بين الادوار عشان ده بينتهي بالفشل فالزواج اختيار فردي و حياة فردية ممكن نستشير لكن متتجوزوش عشان ترضوا الناس او عشان السن بقي كبير مفيش للزواج سن ....فاحسنوا الاختيار

إرسال تعليق

0 تعليقات